احبائي واخواتي العضوات
طبعا فيه طرق كتير للنجرسكو بس الطريقه دي
جميله جدا جدا وبصراحه بعملها تحفــــه
نيجي للطريقـــه
* طبعا بنسلق مكرونه ( شرائط او اسباجيتي ) وبنجهز البشاميل وبنجهز صلصة الحشو بالفراخ
* طريقة صلصة الحشو بالفراخ :-
نبشر بصله ونحمرها في زيت ذره لحد ما يصفر لونها ثم نبشر حبتين طماطم ونضعهم علي البصل .
يتبل بالملح والفلفل والبهارات والزعتر وتترك تتسبك قليلاً .
يكون عندنا فراخ مسلوقه سابقاً ومقطعه مكعبات صغيره .
ثم نضعها علي الصلصه ونتركها حوالي 5 دقائق فقط وممكن نزودلها معلقتين ماء
بحيث ان ما يكونش فيها مرقه كتير .
نضع المكرونه المسلوقه في طبق ونضع عليها الصلصه ونقلبهم مع بعض
( ممكن ما تقلبيهم مع بعض وتعمليهم راقات )
ونحط عليهم 3/4 كمية البشاميل .
ندهن الصينية بالسمن او الزيت ونضع طبقه خفيفه من البشاميل .
نضع المكرونه مع صلصة الفراخ .
ثم نضع باقي كمية البشاميل علي الوش وممكن ندهن الوش بالبيض ( دهنتها بالبيض ) فكرة اختي وحبيبتي ام كنزي ربنا يبارك فيها ويحفظها.
وبعدين ندخلها شواية الفرن ( بحطها تتحمر من فوق بس لان كل مكوناتها مستويه 100% ) .
بسم الله ماشاء الله
رووووعه
ايه رايكوا يا بنات ؟؟
امممممممممم 000 تجنـــــــــــن
وتقــــــــــــــدم 000
شوفتوا الصوص ماشاء الله فيها كتير ازاي
امممممممم
والباقي للتعذيــــــــــــــب
ههههههههه
موضوع: صينية الـنجرسكــو 
الأربعاء نوفمبر 10, 2010 10:22 pm
